Prüma proa de Südtirol Cup a Gais

Nia tröc ê i atlec presënc ala gara de roda de munt plö dlungia ala nosta bela Val Badia. La prüma proa de Südtirol Cup chësc ann a Gais ê ince varënta sciöch gara nazionala Top Class. A chësta moda an podü se musuré cun tröc atlec de düt l nord dla Talia.

L percurs da Gais é três sté en percurs bimbo da sbunf, cun valgügn toc technics sö y jö pur l bosch. Toc che é gnüs ciamó de majera dificolté por les plöies di ultimi diss cun raij y peres bimbo lizies mo porchël impó sënza paltan.

Da alzé fora ele che nosc secretêr Igor á indô en iade podü mët l pé sön le podium, chël dl terzo post tla categoria di Master 4. Franz Wieser a arjunt l 7° post dla categoria di Elite Sport. Rafael Tavella, l plö jonn che por le prüm iade chësc ann pó to pert ales gares de Südtirol Cup se á musuré cun tröc atlec dl nord dla Talia. Odü che al ê la prüma gara de chësc livel al messü pié ia tla ultima fila cun plö de 30 atlec ala partenza. Mo bel plan al recuperé sö tröc posc rovan al 17° post.

La proscima gara de Südtirol Cup vëgn è ai 4 de jügn a Panchiá tla val de Fiem.

20/05/2023