Chësta è la plata dla rëi dedicada ai
atlec y simpatisanc dl Rodes Val Badia Raiffeisen.
Chëstes plates gnarà três plö completes de dâc y
i sperun da se udëi plö gonot a lì dí resultac de nüsc
atlec.
Ultimes Noeles:
Campionat Talian Ciclocross
2012-01-09 10:10:07
Indo en iade na dërta competiziun de ciclocross è jüda a piz a Balsan tl fin dl edema di 08 y 09 de Jená 2012. Pör l prüm iade tla storia de chësta spezialité ele gnü tigní en campionat talian tla zité dla provinzia. L percurs é gnü realisé amesa tl Safety Park y dô les plöies, frëit y dlacia di diss denant ele gnü fora en percurs daulach bel ma dô valgünes rodes ne jela nia da cunësce i atlec.
Dui ê i atlec dl Rodes Val Badia-Raiffeisen presënc a chësta manifestaziun: Susann y Igor Tavella. Susann sön chësc percurs tecnic y da dlacia, daulach al ê da ji ia bel fin cun la roda á albü la miú sön tröpes aversares y ala fin ela stada bona da arjunj l terzo scalin dl podium tla categoria dles Master Woman 1! Pro la categoria di ëi Elite ele Igor Tavella che á arjunt en 16° post, ince sce Igor á messü pié ia tla 6° fila te partenza cun plö de 40 atlec dan da ël ele impó ste bun da recuperé tröpes posiziuns.
Dô 3 agn cun degüna partezipaziun a campionac talian de Ciclocross è chisc indô resultac de gran valüta por l Rodes Val Badia-Raiffeisen.
Relaziun ann 2011
2011-12-02 09:03:40
La sajun dles rodes 2011 è gnüda ufizialmënter stlüta jö con l'assemblea generala dl Rodes Val Badia Raiffeisen ai 01 de dezëmber 2011.
Campiun sozial pur l 2011 ele stè Michael Irsara, al secundo post Clara Emil y söl terzo scalin Igor Tavella.
Classifiches y statistiches é da ciafé sön la plata dla relaziun publicada por l'ocajiun:
0 
0 
4 
